చాలామంది సులువుగా వాగ్దానాలు చేస్తుంటారు. ఆ తర్వాత వాటిని నెరవేర్చరు సరికదా, వాటి గురించి మర్చిపోతారు కూడా. దీనివల్ల వారి వ్యక్తిత్వం దెబ్బతినడమే కాక ఇతరులకు ఎంతో అసౌకర్యం కల్గించిన వారవుతారు. ఇలా జరగడానికి కారణం చాలామందికి వాగ్దానం అంటే ఏంటో పూర్తిగా అవగాహన లేకపోవడమే.

వాగ్దానం అనేది ప్రమాణం వంటిది. ఎన్ని ఇబ్బందులు ఎదురయినా దాన్ని నెరవేర్చేందుకు వెనకాడకూడదు. తామిచ్చిన మాటను నిలబెట్టుకోవాలనే ఆలోచన ఎక్కువమందిలో ఉండకపోవడం వల్ల సులువుగా వాగ్దాన భంగం చేస్తుంటారు. ఎంతటి చిన్న విషయమైనా సరే ఇచ్చిన మాట తమ శక్తిని పుంజుకుని నెరవేర్చి తీరాలి. వ్యక్తిత్వంలో ఇది ఎంతో ప్రాముఖ్యత గల విషయం.

కొన్ని సందర్భాలు

రంగారావు స్నేహితుడు గోవిందుని అడిగాడు 'బజారునుండి వచ్చేటప్పుడు నాకొక ఇంగ్లీషు గ్రామర్‌ పుస్తకం, రెండు పెన్నులు కొని తీసుకురండి' అని.

గోవిందుడు బజారునుండి వస్తూ వాటిని కొని తీసుకొచ్చి రంగారావుకి ఇచ్చాడు. ''సారీ! నా దగ్గర చిల్లర లేదు. వీటి బాపతు సొమ్ము రేపు ఇస్తాను'' అన్నాడు రంగారావు.

గోవిందుడు ఎప్పుడు ఎదురయినా ''నీకు డబ్బులివ్వాలి! గుర్తుంది'' అంటాడు కానీ ఇవ్వడు. ఇటువంటి మాటలకు గోవిందుడు ఏం జవాబు చెప్పగల్గుతాడు? 'ఫర్వాలేదు. మీకు వీలయినప్పుడే ఇవ్వండి!'' అని అంటుంటాడు.

ఈ పనికిమాలిన వాగ్దానాల వల్ల మనిషి వ్యక్తిత్వం ఎలా దిగజారిపోతున్నదో వారు గ్రహించరు. తరచూ మనుషులు కపట వాగ్దానాలు చేస్తుంటారు. రైల్వే బెర్త్‌ రిజర్వేషన్‌ చేయించడం మొదలు పరీక్ష కోసం తన పుస్తకం ఇస్తాననే వాగ్దానాలు చేస్తుంటారు. చివరకు ఏ వాగ్దానమూ కార్యరూపంలోకి రాదు. ఇటువంటి వాగ్దానాల ఫలితంగా అవతలి వ్యక్తులు ఎంత నష్ట పోయినా వారికి పట్టదు. 'వర్షంగా ఉంది. వెలిసిన తర్వాత ఇస్తానన్న పుస్తకం వెంటనే పట్టుకెళ్లి ఇవ్వాలనుకున్నాడు. తర్వాత ఆ విషయం మర్చిపోయాడు. ఇలా ఉంటాయి ఇటువంటి వారి ప్రవర్తనా పద్ధతులు. కొంతమంది వస్తువులు తీసుకెళ్తుంటారు. పని అయిన వెంటనే వాటిని తిరగి ఇచ్చేస్తామని వాగ్దానం చేస్తారు. నిర్లక్ష్యం చేస్తారు. ఆ వస్తువు ఎప్పటికీ తిరిగి ఇవ్వరు. ఇలాంటి వారిని ఎలా క్షమించడం?

అవకాశవాదులు!

కొంతమంది వాగ్దానాలు చేసి, తమ పని పూర్తిచేసుకునే అవకాశవాదులుంటారు. వీరికి వ్యక్తిత్వం, విలువలు పట్టవు. నేను మర్చిపోలేని సంఘటన ఒకటి ప్రస్తావిస్తాను.

నా శ్రీమతి ఎమ్‌.ఎ తెలుగు పరీక్షలకు వెళ్తుంది. నేను పని చేసిన కళాశాలలో ఒక తెలుగు లెక్చరర్‌ కూడా ఎమ్‌.ఎ పరీక్షకు వెళ్తున్నారు. ఎమ్‌.ఎ లో 55 శాతం మార్కులు వస్తేనే లెక్చరర్‌ అర్హత పొందినట్లు. ఆయనకు 52 శాతం మాత్రమే వచ్చాయి. ఎక్కువ మార్కులు తెచ్చుకోడానికి ఆయన మళ్లీ ఎమ్‌.ఎ పరీక్ష రాస్తున్నారు.

పరీక్షకు ఉపకరించే 'అప్పకవీయం' పుస్తకం ఆయనకు ఎక్కడా దొరకలేదు. మా ఇంటికి వచ్చి ''మీ దగ్గరున్న అప్పకవీయం పుస్తకం ఓసారివ్వండి. రెండు రోజుల్లో తిరిగి ఇచ్చేస్తాను'' అని అడిగాడు.

నా శ్రీమతి కూడా ఎమ్‌.ఎ పరీక్షకు వెళ్తుంది. ఆమెకూ ఆ పుస్తకం అవసరమవుతుందని అతనికి తెలుసు. అయినా ఆ పుస్తకం ఇప్పటికీ తిరిగి ఇవ్వలేదు. ఇటువంటి అవకాశవాదులు వాగ్దానాలు చేస్తుంటారు. తర్వాత వాటిని పట్టించుకోరు.

నిజాయితీపరులు

ఇచ్చిన మాట నిలబెట్టుకునే నిజాయితీపరులు కూడా ఉంటారు. ఎంతటి ఇబ్బందులనయినా అధిగమించి తమ వాగ్దానాలను నెరవేరుస్తారు. వీరు ఇతరులకు లాభం రావాలని ఆలోచిస్తారు.

నాకు తెలిసిన వెంకట్రావుగారు ఇటువంటి వ్యక్తులకు ఉదాహరణ. వాళ్లింటికి దగ్గర్లోనే ఉంటున్న రాంబాబుకు ఇంటర్వ్యూకి రమ్మని పిలులు వచ్చింది. రాంబాబు అప్పటికే ఒక ఇంటర్వ్యూలో సెలక్టయ్యాడు. జాయినింగ్‌ ఆర్డర్స్‌ కోసం ఎదురు చూస్తున్నాడు.

'ఆర్డర్స్‌ వస్తే నువ్వు ఎక్కడ ఉంటే అక్కడికి పట్టుకొచ్చి ఇస్తాను. నువ్వు ముందు ఇంటర్వ్యూకి వెళ్లు' అని రాంబాబుకు చెప్పాడు. రాంబాబు రైల్వే స్టేషన్‌కి వెళ్లాడు. ఇంతలో పోస్టు మాన్‌ ఉద్యోగ నియామకపు ఆర్డర్స్‌ పట్టుకొచ్చి ఇచ్చాడు. వెంకట్రావుగారు ఆ ఆర్డర్స్‌ పట్టుకుని హడావుడిగా రైల్వే స్టేషన్‌కి వెళ్లి రాంబాబుకి ఇచ్చారు. తిరిగి వచ్చాక చుట్టుపక్కల వాళ్లు ఎన్నో సానుభూతి వాక్యాలు పలికారు. 'నా మోటర్‌ సైకిల్‌ తీసుకెళ్లాల్సింది' అని ఒకాయన అన్నాడు. 'అబ్బే ఎందుకు? నాకు తెలిస్తే కార్లోనే తీసుకెళ్లి రైల్వే స్టేషన్‌ దగ్గర దింపేవాణ్ణి' అని మరొకాయన తన పరోపకార బుద్ధి ప్రదర్శించాడు.

చాలామంది వాగ్దానాలకు కట్టుబడి ఉండరు. అది వారి వ్యక్తిత్వానికి మచ్చ అవుతుందని గ్రహించరు. కాని కొంతమంది వెంకట్రావు గారిలాంటి వాళ్లుంటారు. 'మాట'ను పోషించుకుంటారు. ముఖ్యంగా ఉన్నత పదవులను ఆశించేవారు వాగ్దానాలు నిలబెట్టుకోవడం మరువకూడదు. ఇతరులు కూడా.

- సి.వి.సర్వేశ్వరశర్మ , ఫోన్‌ నెం: 9866843982 , sarma.chavali@gmail.com
(from : prajasakti daily )
Reactions:

Post a Comment

  1. Good post. Thanks for sharing.

    ReplyDelete
  2. Hello, Neat post. There's an issue with your website in web explorer, may test this… IE still is the marketplace leader and a good component to people will omit your great writing because of this problem.

    ReplyDelete
  3. @Anonymous
    Janavijayam.com is working properly in IE. May be it's Your internet connection problem.

    ReplyDelete

* మీ వ్యాఖ్యలు తెలుగులోనే వ్రాయండి
* పోస్టుతో సంబంధంలేని, సంయమనం లేని, ఎవరికీ ఉపయోగం కాని వ్యాఖ్యలు వద్దు.
* నింద వేరు - విమర్శ వేరు, ఎవర్నీ గాయపరచకుండానే విమర్శించవచ్చు.
* పుల్లవిరుపుగా తీసిపారేయటం వల్ల అసహనం ఉపశమిస్తుందేమో, ఒరిగేదేమీ లేదు.
* ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. .
* అనవసర వ్యాఖ్యలు తొలగించబడతాయి.
* తెలుగులో వ్రాయటానికి ఈ బాక్సులో ఇంగ్లీష్‌లో టైప్ చేయండి.
* మద్యలో ఇంగ్లీష్ పదాలు టైప్ చేయాలనుకుంటే CTRL+G నొక్కండి.
* మరల తెలుగుకోసం కూడా CTRL+G ఉపయోగపడుతుంది.
* తెలుగులో వచ్చిన మేటర్ ని కాపీ చేసి క్రింద కామెంట్ బాక్స్ లో ఉంచడం ద్వారా మీ కామెంట్ పబ్లిష్ అవుతుంది.

అధ్యయనం అవినీతి ఆదూరి హైమవతి ఆధ్యాత్మికం ఆరోగ్యం ఆర్ధికం ఇంటర్వ్యూ ఎన్నికలు కత్తెరింపులు కథ కవిత కార్యక్రమాలు కుటుంబం కులం చట్టం-న్యాయం చట్టసభలు చరిత్ర చర్చావేదిక చేయెత్తి జై కొట్టు తెలుగోడా! జనవిజయం జై గొట్టిముక్కల తెలంగాణ తెలంగాణా పునర్నిర్మాణం తెలుగు భాష తెలుగు-వెలుగు తెలుగుజాతి మనది నమ్మకాలు-నిజాలు నరసింహారావు మద్దిగుంట నవ్వుతూ బ్రతకాలిరా నా ప్రయాణం నా బ్లాగు అనుభవాలు నాకు నచ్చిన పాట నేను చదివిన పుస్తకం నేర ప్రపంచం నేరాలు-ఘోరాలు పత్రికా స్వేచ్చ పరిపాలన పరిశోధనలు పర్యావరణం పల్లా కొండల రావు పల్లె ప్రపంచం పల్లె సమస్యలు పల్లెప్రపంచం పిల్లల పెంపకం పురస్కారాలు పోరాటం ప్రకృతి జీవన విధానం ప్రక్రుతి జీవన విధానం ప్రజ ప్రజ వ్యాసములు ప్రజా రవాణా ప్రభుత్వ పథకాలు ప్రముఖులు ప్రవీణ్ కుమార్ ప్రశ్న ఫన్నీ ఫోటోలు బాల్యం బుల్లితెర బ్లాగు ప్రపంచం భారతరత్న భారతీయం భారతీయ సంస్కృతి భావ ప్రకటన భావప్రకటన భాష భూగోళం మంచి అలవాట్లు మంచి పాటలు మతం మంతెన వీడియోలు మధుర గీతాలు మల్లంపల్లి స్వరాజ్య లక్ష్మి మహనీయులు మహిళ మానవ వనరులు మానవ సంబంధాలు మానవ హక్కులు మానవహక్కులు మార్కెటింగ్ మార్క్సిజం మీడియా మెదడుకు మేత మెరాజ్ ఫాతిమా మేగజైన్ మేగజైన్ ప్రమోషన్ యువత యోగా రమేష్ బండారు రాజకీయం రాజ్యాంగం రామకీర్తనలు రాష్ట్ర విభజన రిజర్వేషన్లు రేగింగ్ లింక్స్ వార్త-వ్యాఖ్య వార్తలు వి. శాంతి ప్రబోధ వికాసం విగ్రహాలు-ఆగ్రహాలు విజ్ఞానం విద్య విద్యా విధానం వినోదం వీడియోలు వృక్షో రక్షతి రక్షిత: వృద్ధాప్యం వెంకట రాజారావు.లక్కాకుల వెబ్ మీడియా వేమన పద్యాలు వ్యక్తిగతం వ్యక్తిత్వ వికాసం వ్యవసాయం శుభాకాంక్షలు శ్యామలరావు తాడిగడప సమాజం సంస్కృతి సహాయం సాహిత్యం సిద్ధాంతం సినిమా సూరానేని హరిబాబు సేకరణలు సైన్స్ స్పూర్తి
 
Top