సలహాలు - సంగతులు !

సామెతలు చాలా పవర్ఫుల్. అనుభవం లోనుండి వచ్చిన తిరుగులేని సత్యాలవి. కొన్ని అవుట్ డేట్ అయినవి అప్డేట్ చేసుకోవాల్సి ఉంటుంది. అంత పవర్ ఉన్న అవుట్ డేటెడ్ కాని సామెతలలో ఒక మంచి సామెత గురించి నా అభిప్రాయాలను మీతో పంచుకుందామని ఈ పోస్టు వ్రాస్తున్నాను.

 " చెప్పేవాడికి వినేవాడు లోకువ

ఈ సామెత ఇప్పటికీ మన సమాజానికి బాగా వర్తిస్తుందని చెప్పవచ్చు. మనం వినాలేగానీ చెప్పడానికి రెడీగా ఉంటారు. వినకపోయినా చెప్పడానికి ఇబ్బంది పెడతారు. ఎందుకు చెపుతున్నామో అర్ధం చేసుకోవాలంటూ దీర్ఘాలు తీస్తారు. నెత్తిమీద రూపాయి పెట్టి అమ్మినా అర్ధరూపాయకు అమ్ముడుపోని మానవులు సైతం తగుదునమ్మా అంటూ సలహాలు ఇస్తుంటారు. అందుకే " ఉచిత సలహాలు " అనే పదం ఆవిర్భవించి ఉంటుంది. అన్ని సలహాలు లేదా అన్ని ఉచిత సలహాలు తప్పుడువే ఉంటాయని కాదు గాని అత్యధికం అలాగే ఉంటాయి.

మనం ఏదైనా పని కొత్తగా ప్రారంభిద్దాం అనుకున్నామనుకోండి, ఇక వీళ్లు బయలుదేరుతారు. వాళ్ల పనులు మానుకుని, ఇంట్లో తిట్లు తినైనా సరే మన బుర్రలు తినందే వదలరు. అడ్డమైన సలహాలు - నెగిటివ్ మోటివేషన్ కు తమ శక్తిమేరకు కృషి చేస్తారు. ఇలాంటివారి మాటలతో అటు ఇటు కానివాడి పరిస్తితైతే ఇక చెప్పనే అవసరం లేదు. వాడు ఎందుకొచ్చిన గోలరా! భగవంతుడా! అనుకోపోతే ఒట్టు. చేద్దామనుకున్న పనిని మరచిపోయి ఏమి చేయాలో తెలీని స్తితికి చేరుకోవడం ఖాయం. అంత పవర్ఫుల్ మోటివేషన్ ఉంటుందీ గాంగ్ ది.

ఇలాంటివారిలో అందరూ దుర్మార్గులు ఉండకపోవచ్చు. ఇతరులు ఇబ్బంది పడుతుంటే ఓ రకమైన ఆనందం అనుభవించడం కొందరిలో ఉంటే, కొందరు అలవాటుగా ఇలా చేస్తుంటారు. తమకు తోచిందే నిజమని, కొత్తదనంలో రిస్క్ ఉంటుందనే భయంతో అలా ప్రవర్తించేవారూ ఉంటారు. కొత్తదనాన్ని, మార్పును ఆహ్వానించలేని తత్వం అభివృద్ధికి ఆటంకమని చెప్పాలి.

మన సమాజంలో ఈ గేంగ్‌దే మెజారిటీ. నెగిటివ్ మోటివేటర్ల సంఘం పెడితే పబ్లిసిటీ అవసరం లేకుండానే పాపులర్ అవుతుందనవచ్చు. వీరిలో యూనిటీ ఎక్కువ. వీళ్ల మాటలకు సపోర్ట్ చేసేవారు ఎక్కువగా ఉంటారు. వీరిని, వీరి సలహాలను లక్ష్యపెట్టని వారిపై గుస గుసలు , చెవులు కొరుక్కోవడాలు, రూమర్లు వ్యాప్తి చేయడాలు.... వంటి పవిత్ర కార్యక్రమాలు చేస్తుంటారు.ఈ పవిత్ర కార్యక్రమాన్ని ప్రత్యేకమైన ఎజెండాగా పెట్టుకుంటారు కూడా. పట్టువదలని విక్రమూర్ఖులుగా ప్రవర్తిస్తారు. తమ శతృవుపై(?) గోబెల్స్ ప్రచారం చేస్తారు.

వీరేమైనా ఆరితేరి అనుభవాలు చెపుతారా!? అంటే అదీ ఉండదు. పోనీ వీళ్లను మనం నిజాయితీగానే మరి ఆ పని వద్దు ఏమి చేస్తే బాగుంటుందని అడిగితే ఒక్కడూ సలహా చెప్పలేడు. ఆ ఏముంది అందరూ బ్రతకట్లా! అంటూ నిట్టూర్పులు తప్ప చాలా సందర్భాలలో వీళ్లకి తెలిసింది జీరో మాత్రమే.

ఎక్కడో మనసు లోతుల్లో తమకే తెలియని ఈర్ష్య లాంటి ఓ మానసిక స్తితే ఇందుకు కారణమనేది నా అంచనా. ఏదో అంటారే వరిగడ్లో కుక్క సామెత అని అలా ఉంటుందండీ వీళ్లలో కొందరి వ్యవహారం. ఇంకో సామెతా చెప్పోచ్చు "అమ్మ పెట్టదు - అడుక్కు తిననివ్వదూ" అని. ప్రవాహానికి అనుగుణంగా గొర్రెల్లా వెళ్ళేవారే ఏ సమాజం లోనైనా ఎక్కువ మంది ఉంటారు. సాంప్రదాయ బద్ధంగా జీవించడం వరకూ మాత్రం వీళ్లు చేయగలరు. సమస్యలు వస్తే సాహసాలు చేయడం - ఎదురీదడం చేతకాని వీళ్లు అందరికీ అదే సలహాలు ఇవ్వడమే తప్పు. 

అవసరం లేక పోయినా, అడగక పోయినా ఉచిత సలహాలు ఇచ్చేది తమకంటే ఎదుటివాడు ఎదిగితే ఇబ్బందనే ఓ తెలియని మానసిక ఝాఢ్యమే దీనికి కారణం అనుకుంటా. ఇలాంటి వాటిని పట్టించుకోవద్దు ! 1000 సార్లు బల్బును కనుగొనడం లో ఫెయిల్ అయ్యాడంటే థామస్ ఆల్వా ఎడిషన్ ఒప్పుకున్నాడా? 1000 పద్ధతులు బల్బు తయారీకి పనికి రావని కనుగొన్నానూ! అన్నాడు.

యెస్ ! దట్ ఈస్ ద కాన్‌ఫిడెన్స్ !


ప్రతీదీ శాస్త్రీయంగా విశ్లేషించుకుని - తగిన ప్లాన్ చేసుకుని - గత అనుభవాలను దృష్టిలో ఉంచుకుని ప్రయత్నించడమే చేయాల్సింది. భగవద్గీత లో శ్రీకృష్ణుడు చెప్పిన ప్రకారం "చక్కగా అనుష్టించిన పరధర్మము కంటే , గుణము లేని దైననూ స్వధర్మమే మేలు". ఎవడి సలహా వద్దనను కానీ, అవసరమైన సలహాలు మాత్రమే తీసుకోవాలి. అందరిదీ వినాలి. నిర్ణయం మాత్రం మనమే తీసుకోవాలి. అది మంచో - చెడో ఆచరణ ద్వారా లభ్యమయ్యే అనుభవం మాత్రమే డిసైడ్ చేస్తుంది. చరిత్రలో ప్రతి విజేత ఇలాంటివి ఎదుర్కుంటూనే ఉంటాడు. అది విజేతగా ఎదగాలనుకునేవాడికో అవకాశం మాత్రమే.


అడగకుండా సలహాలు ఇచ్చేది ఏ పనీ లేని వాళ్లే అని గుర్తుంచుకోండి !
ఏ పనీ లేని వాళ్లు మనకేమీ చెప్పే అర్హత లేనివాళ్లనీ గుర్తుంచుకోండి !!

అవసరమైనపుడు సలహాలు తీసుకోండి - నిర్ణయం మాత్రం ఆలోచించి మీరే తీసుకోండి . అడిగినవారికి సలహాలు చెప్పండి - ఎట్టిపరిస్తితులలోనూ ఈర్ష్యాద్వేషాలు మనసులో ఉంచుకుని మాత్రం ఎదుటివారిని ఇబ్బంది పెట్టకండి.

- పల్లా కొండల రావు.
--------------------------------------------------
Reactions:

Post a Comment

  1. ఇలాంటి వాళ్ళను సమాజంలో చూస్తూ ఉంటాము.ముఖ్యం గా negative attitude మరియు ఈర్ష్య తో మాట్లాడటం చాలా ఎక్కువగా ఉంది."పోలికలోనుండి పుట్టిన ఈర్ష్యను జయించటం ఎలా?"అనే వ్యాసం వ్రాసాను చదవగలరు నా బ్లాగులో.

    ReplyDelete
  2. @oddula ravisekhar
    కామెంట్ కు ధన్యవాదాలు రవిశేఖర్ గారు.

    మనిషిని మానసికం గా హింసించేది , సృజనాత్మకతను చంపడంలో అన్నింటికంటే ప్రమాదకరమైన ధోరణి ఇదే.

    చాలామంది ఈ ధోరణి వల్ల కృంగిపోవడం జరుగుతుంటుంది. అలాంటివాళ్లు శాస్త్రీయంగా విశ్లేషించుకుని రాటుదేలాలనే తలంపుతో ఈ పోస్టు వ్రాయడం జరిగింది.

    మీరు వ్రాసిన పోస్టు చదువుతానండీ.

    ReplyDelete
  3. "చక్కగా అనుష్టించిన పరధర్మము కంటే , గుణము లేని దైననూ స్వధర్మమే మేలు"

    Excellent quotation from Bhagad Gita. Thank you Kondal Rao garu for quoting it in your blog.

    ReplyDelete
  4. @శివరామప్రసాదు కప్పగంతు

    కామెంట్ కు ధన్యవాదములు ప్రసాద్ గారు.భగవద్గీతలో వ్యక్తిశీలతకు సంబంధించి చాలా మంచి విషయాలున్నాయి.శ్రీకృష్ణుడు మంచి పర్సనాలిటీ డెవలపర్. గీతను ఒక మతగ్రంధం గా కంటే మహాభారతం యొక్క సమగ్ర సారాంశం గా చూడాల్సి ఉంటుంది.వ్యాసమహర్షి రచనలో ఆనాటి పరిస్తితుల ప్రతిబింబంగా ఉండే కొన్ని అంశాలు, సృష్టించడం అనే కొన్ని అంశాలు వదిలేస్తే ఎవరికైనా వ్యక్తిశీలత నిర్మాణానికి పనికొచ్చే అంశాలున్నాయనేది నా వ్యక్తిగత అభిప్రాయం. ఘంటసాల గారి భగవద్గీతను వీలైనప్పుడల్లా వింటుంటాను.

    ReplyDelete

* మీ వ్యాఖ్యలు తెలుగులోనే వ్రాయండి
* పోస్టుతో సంబంధంలేని, సంయమనం లేని, ఎవరికీ ఉపయోగం కాని వ్యాఖ్యలు వద్దు.
* నింద వేరు - విమర్శ వేరు, ఎవర్నీ గాయపరచకుండానే విమర్శించవచ్చు.
* పుల్లవిరుపుగా తీసిపారేయటం వల్ల అసహనం ఉపశమిస్తుందేమో, ఒరిగేదేమీ లేదు.
* ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. .
* అనవసర వ్యాఖ్యలు తొలగించబడతాయి.
* తెలుగులో వ్రాయటానికి ఈ బాక్సులో ఇంగ్లీష్‌లో టైప్ చేయండి.
* మద్యలో ఇంగ్లీష్ పదాలు టైప్ చేయాలనుకుంటే CTRL+G నొక్కండి.
* మరల తెలుగుకోసం కూడా CTRL+G ఉపయోగపడుతుంది.
* తెలుగులో వచ్చిన మేటర్ ని కాపీ చేసి క్రింద కామెంట్ బాక్స్ లో ఉంచడం ద్వారా మీ కామెంట్ పబ్లిష్ అవుతుంది.

p v satyanarayana video's p v satyanarayana videso vm vrk diet vrk videos అధ్యయనం ఆధ్యాత్మికం ఆరోగ్యం ఆర్ధికం ఇంటర్వ్యూ కత్తెరింపులు కార్యక్రమాలు కుటుంబం కులం చట్టం చరిత్ర జనవిజయం తెలుగు-వెలుగు నమ్మకాలు-నిజాలు నవ్వుతూ బ్రతకాలిరా నా బ్లాగు అనుభవాలు నాకు నచ్చిన పాట నేను చదివిన పుస్తకం పరిపాలన పర్యావరణం పల్లా కొండల రావు పల్లె ప్రపంచం పిల్లల పెంపకం పురస్కారాలు ప్రకృతి జీవన విధానం ప్రజ ప్రజ వ్యాసములు ప్రజా రవాణా ప్రభుత్వ పథకాలు ప్రముఖులు ప్రవీణ్ కుమార్ ప్రశ్న ఫన్నీ ఫోటోలు బాల్యం బ్లాగు ప్రపంచం భారతరత్న భారతీయం భారతీయ సంస్కృతి భావ ప్రకటన భాష మతం మంతెన వీడియోలు మనం మారగలం మల్లంపల్లి స్వరాజ్య లక్ష్మి మహిళ మానవ వనరులు మానవ సంబంధాలు మానవ హక్కులు మార్క్సిజం మీడియా మెరాజ్ ఫాతిమా రాజకీయం రాజ్యాంగం రిజర్వేషన్లు లింక్స్ వార్త-వ్యాఖ్య వి. శాంతి ప్రబోధ వికాసం విగ్రహాలు విజ్ఞానం విద్య వినోదం వీడియోలు వెంకట రాజారావు.లక్కాకుల శుభాకాంక్షలు సమాజం సంస్కృతి సాహిత్యం సినిమా సైన్స్ స్పూర్తి
 
Top