Saturday, September 5, 2020

రేవంత్ రెడ్డి ప్రాంతీయ పార్టీ పెడితే సక్సెస్ అవుతాడా?

రేవంత్ రెడ్డి కాంగ్రెస్ లో ఇమడలేకపోతున్నాడు. ప్రాంతీయ పార్టీ పెడితే బాగుంటుందని వార్తలు వినిపిస్తున్నాయి.

కేసీఆర్ వ్యతిరేక శక్తులన్నీ ఒకతాటిపై పనిచేయడానికి, తిరిగి కోదండరాం పొలిటికల్ జేఏసీను ఏర్పాటుచేయడానికి సన్నాహాలు జరుగుతున్నట్లు తెలుస్తోంది. వీటన్నింటికీ కాలమే జవాబు చెప్పాల్సింది.

తెలంగాణలో కేసీఆర్ కు ధీటుగా మరో ప్రాంతీయపార్టీ సక్సెస్ అయ్యే అవకాశం వుందా? రేవంత్ రెడ్డి ఆ సాహసం చేస్తాడా? మీరేమంటారు?


Thursday, September 3, 2020

ఇజం గొప్పదా? నిజం గొప్పదా?

 

 

 'ఇజం' గొప్పదా? 'నిజం' గొప్పదా?

నా దృష్టిలో ఇది చాలా ముఖ్యమైన అంశం. మనిషి స్వేచ్చగా ఆలోచించడానికీ, ఓ భావజాలం ప్రభావితంతో ఆలోచించేదానికీ తేడా ఉంటుంది. వాస్తవాన్ని అంగీకరించడానికి ఇది ఆటంకంగా ఉండే అవకాశాలు చాలా ఎక్కువ. ఇజాలలో కొన్ని నిజాలు ఉంటాయి. 

కేపిటలిజం, సోషలిజం, మార్క్షిజం, గాంధీగిరి, హిందూయిజం, క్రిష్టియానిటి, ఇస్లాం, బుద్ధిజం, స్త్రీవాదం, హేతువాదం.... ఇలా చాలా రకాల ఇజాలు ఉన్నాయి. అందులో అందరికీ అంగీకారం అయ్యే నిజాలూ ఉంటాయి. విభేదించే అంశాలూ ఉంటాయి. కొన్ని ఇజాలు మనిషిని ఉన్మాదిగా మార్చేలా కూడా చేస్తున్న సందర్భాలున్నాయనడంలో అతిశయోక్తి లేదు.

నిజం కూడా ఎపుడూ సాపేక్షమే అయినప్పుడు ఇజం శాశ్వతంగా ఉంటుందా? ఇజం, నిజం లలో ఏది గొప్పది? ఇజానికి, నిజానికీ ఉన్న తేడా ఏమిటి? సంబంధం ఏమిటి? 


Tags :  ఇజం, భావజాలం, ఆలోచన, మనం మారగలం, మార్క్సిజం, రాజకీయం,