గాంధీ పేరుతో చెపితే మనదేశం లో చాలా విషయాలకు సాధికారత వస్తుంది. మన జాతిని అంతగా ప్రభావితం చేసిన జననేత మన గాంధీ. ముఖ్యంగా గాంధీ సత్యం - అహింస ల పై ప్రయోగాలు , సింపుల్ జీవన విధానం ఇప్పటికీ మనకు ఆదర్శమే . విధానాల పరంగా ఆయనను విభేదించే వారు సైతం ఆచరణకు సంబంధించి ఆయనను ఆదర్శంగా తీసుకునేందుకు అంగీకరిస్తారు.

గాంధీ ఆచరణకు సంబంధించి నేను చదివిన ఓ సన్నివేశం మీతో పంచుకునేందుకు ఇక్కడ రాస్తున్నాను.

ఓసారి గాంధీజీ వద్దకు తన కొడుకుని తీసుకుని ఓ తల్లి వచ్చి " అయ్యా ! నా కొడుకు బెల్లం బాగా తింటున్నాడు . ఆరోగ్యం దెబ్బతింటుందని నేనెంత చెప్పినా వాడు వినడం లేదు. మీ మాటంటే వీడికి గురి. మీరైనా చెప్పండి వీడికి బెల్లం తినొద్దని. " అని కోరింది.

దానికి గాంధీ , ఓ వారం రోజుల తరవాత నీ కొడుకుని తీసుకుని రామ్మా ! అన్నాడట. ఆయన మాట మీద గౌరవంతో ఆ తల్లి వెళ్లింది.

వారం తరువాత కొడుకుతో సహా వచ్చి మళ్లీ గాంధీని కలసింది.

అపుడు గాంధీ రామ్మా అని వారిరువురినీ ఆప్యాయంగా పిలిచి కొడుకుతో " ఏరా చిన్నా ! అమ్మ చెప్పేది నీ మంచికోసమే కదా! నీ ఆరోగ్యం బాగుండాలనే కదా! నీవు మంచిగా ఉండాలనే కదా అమ్మ చెప్పేది. అమ్మను కష్టపెట్టకూడదు కదా! బెల్లం మానేస్తావా? అని చెప్పాడట . ఆ మాటలకు ఆ పిల్లవాడు గాంధీతో " మీరు చెప్పినట్లే వింటాను. బెల్లం మానేస్తాను. " అన్నాడట .

దీనితో ఆ తల్లి సంతోషించినా ఒక అనుమానంతో అక్కడే నిలబడి గాంధీని అడగాల్నా? వద్దా
? అని  సంశయిస్తుంటే గాంధీ గమనించి "ఈ విషయం వారం క్రితమే చెప్పొచ్చుగదా? అనేగా నీ సందేహం!" అంటే ఆమే అవునన్నట్లు తలూపింది.

దానికి గాంధీ నాకూ బెల్లం తినే అలవాటుందమ్మా! ఈ వారం లో నేను దానిని మానేసాను. అందుకే ఈ రోజు నీ కొడుకుకి చెప్పాను. నేను తింటూ నీ కొడుకుకి చెపిత నా మీద గౌరవం పోతుంది కదా ? అన్నాడట . ఈ సంఘటనతో ఆమెకు గాంధీజీ పై గౌరవం రెట్టింపైంది.

- Palla Kondala Rao,
17-03-2012.
*Republished

Post a Comment

  1. This is happened to Ramakrishna Parama Hamsa,
    Any way nice article

    ReplyDelete
  2. నాకు సరిగా తెలియదండీ !ఆచరణకు సంబంధించి ప్రేరణగా ఉంటుందని వ్రాశాను.

    ReplyDelete

* మీ వ్యాఖ్యలు తెలుగులోనే వ్రాయండి
* పోస్టుతో సంబంధంలేని, సంయమనం లేని, ఎవరికీ ఉపయోగం కాని వ్యాఖ్యలు వద్దు.
* నింద వేరు - విమర్శ వేరు, ఎవర్నీ గాయపరచకుండానే విమర్శించవచ్చు.
* పుల్లవిరుపుగా తీసిపారేయటం వల్ల అసహనం ఉపశమిస్తుందేమో, ఒరిగేదేమీ లేదు.
* ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. .
* అనవసర వ్యాఖ్యలు తొలగించబడతాయి.

 
Top