Post a Comment

  1. ఇది once-in-a-lifetime స్థాయి సాహిత్యం. చక్కని పల్లె పదాలతో లోతయిన విశ్లేషణ చేయడం ఒక మహోన్నత ప్రయోగం. గోరేటి వెంకన్న నిజంగా ధన్యుడు.

    మచ్చుకు ఒక చరణం తీసుకుందాం:

    "తొలకరి జల్లుకు తడిసిన నెల మట్టి పరిమళాలేమైపాయెర
    వానపాములు నత్తగుల్లలు భూమిలొ ఎందుకు బతుకతలేవు?
    ఆ పత్తి మందులా కత్తర వాసనరా నా పంట పొలాలల
    ఆ మిత్తికి తెచ్చిన అప్పే కత్తాయె నా రైతు కుత్తుకెపై"

    నత్తగుల్లలకు రైతు ఆత్మహత్యలకు సంబంధం ఏమిటని ఆలోచిస్తే ఘంటల కొద్దీ చర్చించగలము. Seed licensing, genetic engineering, IPR, traditional Indian agriculture, agrarian distress, Bretton Woods, trickle down economics etc.

    ఇది "పదండి ముందుకు పడండి తోసుకు" తరహా ideological rhetoric కాదు, "కల వరించి కలవరించి" లాంటి linguistic gymnastics కూడా కాదు. భాష & భావం సమతుల్యతతో ఉండడమే ఒక ప్రత్యేకత.

    Hats off to the poet!

    ReplyDelete
    Replies
    1. జై గారు చెప్పడం మరచాను, సారీ.మీ కమెంటుకు వందనాలు.

      Delete
  2. < నత్తగుల్లలకు రైతు ఆత్మహత్యలకు సంబంధం ఏమిటని ఆలోచిస్తే ఘంటల కొద్దీ చర్చించగలము. >
    చర్చించగలము. ఎందరు? చాలా కొద్దిమంది మాత్రమే ఆ దిశగా ఆలోచిస్తున్నరు.
    ఇప్పటి యూత్ ఆలోచనలు కానీ, పిల్లల పెంపకం కానీ ఆ దిశగా సాగడం లేదు.
    ప్రక్రుతి సహజ వనరుల పవర్ ని కంపెనీలు తమ లాభాలకోసం ఎలా నాశనం చేస్తున్నదీ, దానిలో భాగంగా సంస్క్రతీ, సాంప్రదాయాలు, మానవసంబంధాలు, విలువలు పతనం ఎలా సాగుతోందీ మంచి పదాలతో గోరటి వెంకన్న అద్భుతంగా వివరించారు. ఛిత్రీకరణ కూడా ఫర్వాలేదు.

    పదండి ముందుకు ..... అవసరమైనపుడు ఆవేశాన్ని రగిలించడడానికి, కలవరించి సాహితీశోభను ఆస్వాదించడానికి మాత్రమే ఉపయోగపడతాయి. అవి అనవసరం అనలేము. కానీ ఈ పాట ప్రతి ఒక్కరూ ఆలోచించాల్సింది. అలా ఆలోచింపజేయగలిగిన రచయితకు వందనాలు. పల్లె పదాలతో సూటిగా క్లిష్టమైన సమస్యలను అవగతమయ్యేలా , ఆలోచించేలా పాట సాగింది.

    ReplyDelete
    Replies
    1. రసాయనాలు వాడకపోతే పని అవ్వదు. ఒకసారి నా పొలంలో యూరియా కలిసిన నీరులో ఈది బురద పాము చచ్చింది. అలాగని యూరియాని నిషేధించలేము కదా.

      Delete
    2. - రసాయనాలు వాడకపోతే పని అవ్వదు. ఒకసారి నా పొలంలో యూరియా కలిసిన నీరులో ఈది బురద పాము చచ్చింది. అలాగని యూరియాని నిషేధించలేము కదా -

      ఎందుకో! ప్రక్రుతిని, పర్యావరణాన్ని నాశనం చేసేదానిని ఏదైనా నిషేధించి తీరాల్సిందే.

      Delete
    3. యూరియా, పొటాష్, అమోనియం ఫాస్ఫేట్‌లు వాడితే ఎకరానికి నలభై బస్తాలు ధాన్యం వాడితే ఎకరానికి 40 బస్తాలు వస్తాయి. అవి వాడకపోతే 15 బస్తాలు కూడా రావు. జనాభా పెరిగి భూమి పెరగకపోతే వ్యవసాయోత్పత్తిని పెంచడానికి ఎరువులు వాడకపోతే ఏమి చేస్తాం?

      Delete
    4. అవి తినే కదా కొత్త కొత్త రోగాలు తెచ్చుకుంటున్నం. వైద్యుల సంఖ్యా, ఆసుపత్రుల సంఖ్యా పెరుగుతున్న కొద్దీ రోగాలు, రోగుల సంఖ్యా పెరుగుతోందీ అందుకే కదా? ఇది అభివ్రుద్ధి కాదు. అరాచకం.

      Delete
    5. సాంప్రదాయం ప్రత్యామ్నయం గుర్తించాలి తప్ప, కంపెనీల కుట్రకు బలి కాకూడదు. సైన్సు అంటే అభివ్రుద్ధిని కాంక్షించేది కావాలి కానీ, అరాచకాన్ని పెంచేది పెట్టుబడిదారులకు మాత్రమే లాభాలు తెచ్చిపెట్టి సామాన్యులను క్రుంగదీసేదిగా ఉండకూడదు.

      Delete
    6. ప్రక్రుతి సహజ వనరులతోనే ప్రక్రుతిలో జీవుల జవనం గడిచే స్థితి ఉన్నంత వరకూ సరుకుల అవసరం రాదు. నిజంగా అలా లేనపుడు అందరికీ ఆమోదయోగ్యమైన కొత్త వస్తువుల స్రుష్టిని ఆహ్వానించేందుకు మాత్రమే సైన్సు అవసరపడాలి.

      Delete
    7. యూరియా కలిసిన నీటిలో ఈది పాము చచ్చిందని చెప్పాను కానీ యూరియాతో పండించిన ఆహారం తింటే రోగాలు వస్తాయనలేదు. ఆంధ్ర ప్రదేశ్‌లో ఉన్న ధాన్యం రైతులందరూ యూరియా, అమ్మ్మోనియం ఫాస్ఫేట్ తప్పకుండా వాడుతారు. మరి ఆంధ్ర ప్రదేశ్‌లో అన్నం తినేవాళ్ళకి రోగాలు వచ్చినట్టు వార్తలు లేవే. ఏస్టరాయిడ్ గుద్దుతుందనే భయంతో రోడ్ మీద హెల్మెట్ పెట్టుకుని నడవడం ఎలాంటిదో, రోగాలు వస్తాయనే భయంతో రసాయన ఎరువులు వాడకం మానెయ్యడం అలాంటిది.

      Delete
  3. Jai Garu. Gorati venkanna is a natural poet with genuine rustic expression. Still I feel there is an overdose of self pity in Telangana movement songs. How long can you accuse and blame others.

    ReplyDelete
    Replies
    1. Just for info. This is not a Telangana movement song.

      Delete
    2. ఆ సినిమాలో వామపక్ష తీవ్రవాదులు సర్పంచ్‌ని చంపడానికి వచ్చిన సందర్భంలో ఆ పాట ఉంటుంది. ఆ సినిమా తెలంగాణా ఉద్యమం గురించి కాదు. గ్రామీణ ప్రాంతాల్లో పని చెయ్యని ప్రభుత్వం, పార్టీలోని వీక్ ఎలిమెంట్స్ సహాయంతో పార్టీ నాయకులని పట్టుకోవడానికి పోలీసులు వేసే ఎత్తులు ఆ సినిమాలోని ప్రధాన కథాంశాలు.

      ఆ సినిమాలో నేను గుర్తించిన ఒక లోపం ఏమిటంటే దాని రచయిత ప్రజల్లోని చైతన్యాన్ని ఓవర్ ఎస్టిమేట్ చెయ్యడం. "మీరు ఇచ్చే రూపాయి బియ్యం తినడానికి ప్రజలు ఏమైనా బిచ్చగాళ్ళా?" అని శివరాం (శ్రీహరి) పోలీస్ ఆఫీసర్‌ని అడుగుతాడు. రూపాయి బియ్యం కోసం ప్రభుత్వాన్ని సమర్థించేవాళ్ళు నిజజీవితంలో ఉన్నారు. అలాంటివాళ్ళని కళ్ళతో చూసాను.

      Delete
    3. పాట సినిమా కోసం రాసింది కాదు. అప్పటికే జనబాహుళ్యంలో పాపులర్ అయిఉన్న పాటను సినిమాలో (కాస్త కుదించి) వాడారు.

      "ఏమున్నదక్కో" నుండి "ఆ గట్టునుంటావా" వరకు ఎన్నెన్నో పాటలు కూడా ఇదే కోవకు చెందినవి.

      Delete
  4. @buchiki

    If there is emptiness these expressions will come out. Ignore them

    ReplyDelete
  5. నేను ఆ సినిమాని యూట్యూబ్‌లో చూసాను. ఆ సినిమా మా జిల్లాలో విడుదల అవ్వలేదు. పోలీసులు పార్టీలోని వీక్ ఎలిమెంట్స్‌ని ఇన్‌ఫార్మర్‌లుగా ఎలా వాడుకుంటారో చూపించడం వల్ల ఆ సినిమాని విడుదల చెయ్యడానికి చాలా మంది థియేటర్ యజమానులు ఒప్పుకోలేదు. ఆ సినిమాలో ఒక డాక్టర్ కార్పొరేట్ హాస్పిటల్‌లో ఆఫర్‌ని వదులుకుని పల్లెటూరిలోని పి.హెచ్.సి.లో పని చెయ్యడానికి వెళ్తాడు. అక్కడ ప్రభుత్వ ఉద్యోగులు ఎవరూ డ్యూటీకి హాజరు అవ్వరు. వాళ్ళు రాజకీయ నాయకులతోనూ, ప్రెస్ రిపోర్టర్‌లతోనూ సంబంధాలు పెట్టుకుని తమ వ్యవహారం బయటపడకుండా చూసుకుంటారు. ఇప్పుడు కూడా అంతే. ఒరిస్సాలో నేను ఉండే ప్రాంతంలోని రెవెన్యూ ఇన్స్‌పెక్టర్ వారానికి ఒక సారి మాత్రమే ఆఫీస్‌కి వస్తాడు. అమీన్ & సూపర్‌వైజర్ అయితే నెలకి ఒక సారి కనిపిస్తారు. ఇప్పుడు ప్రభుత్వ ఉద్యోగుల పెర్ఫార్మెన్స్ మీద ఎవరూ కంప్లెయింట్‌లు ఇవ్వాలనుకోవడం లేదు. అందరూ తమకి ప్రభుత్వ ఉద్యోగాలు మాత్రమే కావాలనుకుంటున్నారు.

    ReplyDelete
  6. ఆ సినిమా తీసిన టైమ్‌లో కార్పొరేట్ హాస్పిటల్‌లో డాక్టర్ జీతం నలభై వేలు, ప్రభుత్వ డాక్టర్ జీతం ఇరవై వేలు. ఇప్పుడు ప్రభుత్వ ఉద్యోగుల జీతాలు బాగా పెరిగాయి. కుబుసం సినిమా తీసిన రోజుల్లో కొంత మంది ప్రభుత్వ ఉద్యోగులు పల్లెటూర్లలో పని చెయ్యడానికి ఒప్పుకునేవాళ్ళు. ఇప్పుడు ప్రభుత్వ ఉద్యోగులు ఎవరూ పల్లెటూరిలో ఉండడానికి ఇష్టపడరు.

    ReplyDelete
  7. లోకం గగ్గోలంటోందో కనిపించని కుట్రల
    ఇండ్లల బందీలయ్యామో కనిపించని కుట్రల

    (కరోనా నేపధ్యంలో)

    (గోరటి వెంకన్న గారు అన్యధా భావించరనే నమ్మకంతో 🙏)

    ReplyDelete
    Replies
    1. ఇదంతా పల్లె బాగుకేనేమో విన్నకోట సర్.

      Delete
    2. అలా జరిగి పల్లెలు తమ పూర్వవైభవాన్ని కొంతైనా తిరిగి పొందగలిగితే సంతోషమే, కొండలరావు గారు.

      Delete
    3. ఖచ్చితంగా.....

      క్రీ.శ, క్రీ.పూ అనేది మరిచిపోక తప్పదు..

      కరోనాకు ముందు, కరోనాకు తరువాత... అని రాక తప్పదు. కరోనా ఎఫెక్టుతో ప్రపంచానికి మంచి జరిగి తీరుతుందనేది నా అంచనా విన్నకోట సర్.

      ముఖ్యంగా పల్లెప్రపంచం బాగుపడుతుంది అని ప్రగాఢంగా నమ్ముతున్నాను.

      నగరాలలో కాలుష్యం తగ్గింది... జనసాంద్రత తగ్గడం వల్ల
      నదులలో కాలుష్యం తగ్గింది.... చెత్తఫ్యాక్టరీలు ఎన్నో మూతబడడం వల్ల
      జీవరాసులు, పక్షులు కేరింతలు కొడుతున్న చప్పుడు వినబడుతోంది వాహనాలు బంద్ కావడం వల్ల
      ప్రకృతి, పర్యావరణం పరవసిస్తోంది మనిషి వికృతాలకు బ్రేక్ పడడం వల్ల
      మనసులలో కాలుష్యం తగ్గింది....శృతిమించిన వేగం తగ్గి ఇంటిపట్టునే ఉండాల్సిరావడం వల్ల...

      ఐస్క్రీంలు,పిజ్జాలు,బర్గర్లు,బజ్జీలు,మందు,మాంసం,మిడ్నైట్ పార్టీలు,పబ్బులు,క్లబ్బులు లాంటి గబ్బులేమీ లేకున్నా బ్రతకొచ్చని తెలిసింది..... సగం కాలుష్యం ఈ తిరుగుడు వల్లనే జరుగుతోంది.

      ప్రకృతిని గమనించడానికి సైతం సమయం లేక చందమామని సైతం టీవీలలో ఠీవీగా చూస్తున్నామనుకునే భ్రమతో బ్రతికే అభాగ్యజీవులకు ప్రకృతి సహజ అందాలని చూసే భాగ్యం కలిగింది.

      దొంగబాబాలు, ప్రయివేటు అసుపత్రుల తంతులు లేకుండానే ప్రభుత్వ ఆసుపత్రులతోనే జీవితం గడచిపోతుందని తేలింది చాలావరకు...

      స్కూళ్ళతో సహా ప్రయి'వేటు` వేటు లేకుండా బ్రతుకులు సాగుతాయని తెలిసింది....

      ముఖ్యంగా వ్యవసాయానికి, దాని అనుబంధ పరిశ్రమలకూ ఉన్న సత్తా ఏమిటో తెలిసి వస్తోంది.

      ఇలా ..... చాలా చాలా చెప్పొచ్చు సర్.... చెప్పాలి కూడా.....


      Delete
    4. మిత్రులు కొండల రావు గారు,
      ఈ కరోనా పుణ్యమా అని మానవాళి మరలా ప్రకృతిని గౌరవిస్తూ తదనుగుణమైన జీవనవిధానం వైపుకు మరలుతుందని ఎంతో ఆశపడుతూ వ్రాసారు. కాని మనిషికన్నా కృతఘ్నత మరేజీవిలోనూ కానరాదు. మనిషికన్నా మందమతీ కానరాడు. పరిస్థితులు చక్కబడ్డాయన్న విశ్వాసం కుదరగానే అన్ని రకాల ప్రకృతివిద్గ్వంసన కార్యక్రమాలూ మళ్ళీ మొదలౌతాయి. అతిత్వరగా పూర్వపు వేగాన్ని పుంజుకుంటాయి. గంగ మళ్ళా కుళ్ళిపోతుంది. కార్పొరేట్ హాస్పటళ్ళూ కిటకిటలాడుతాయి. జనం చెత్తతిండీ చెత్తవినోదాలకోసం ఇతోధికంగా వెంపరలాడుతారు. చరిత్ర చెప్పే పెద్ద పాఠం ఏమిటంటే మనిషి చరిత్ర నుండి పాఠాలు నేర్చుకోడన్నదే!

      ఇలా జరగ కూడదనీ మీరన్నట్లే జరగాలనీ కోరుకుంటున్నాను నేను కూడా.

      Delete
  8. < ఇలా జరగ కూడదనీ మీరన్నట్లే జరగాలనీ కోరుకుంటున్నాను నేను కూడా. >

    tq sir.

    ReplyDelete
    Replies
    1. మానవ జీవన గమనం ముందుకే పోతుంది. ఒకప్పుడు గుహలలో తోలు కప్పుకొని ఉంటూ పచ్చి మాంసం తినే మనిషి ఇవ్వాల్టికి ఎంతో ప్రగతి సాధించాడు. రెండడుగులు ముందుకు పడుతున్న క్రమంలో ఒక్కోసారి ఒడిడుకులు & వెనకడుగులు కూడా ఉంటాయి.

      గత వందేళ్లలో ఎన్నో విజయాలు, కొన్ని అపజయాలు. ఇదీ గెలుస్తాం, కలిసి గెలుద్దాం.

      నేలను, నీటిని, చివరికి గాలిని బుగ్గ చేసింది పది శాతం కూడా లేని ఆధిపత్య వర్గాలే. ఇప్పుడు కరోనా దిగుమతి చేసిందీ ఈ డాలర్ల మాయలో పడ్డ పెద్దోళ్లే.

      ఎవరో చేసిన పాపానికి భంగపడ్డ మెట్ట ప్రాంత బక్క మనుషులు తిరిగి బతికి బట్ట కట్టక మానరు, మీరూ మేమూ వారి అకుంఠిత దీక్షను చూసి చప్పట్లు కొట్టే తీరుతాము.

      Delete
    2. < గత వందేళ్లలో ఎన్నో విజయాలు, కొన్ని అపజయాలు. ఇదీ గెలుస్తాం, కలిసి గెలుద్దాం.

      నేలను, నీటిని, చివరికి గాలిని బుగ్గ చేసింది పది శాతం కూడా లేని ఆధిపత్య వర్గాలే. ఇప్పుడు కరోనా దిగుమతి చేసిందీ ఈ డాలర్ల మాయలో పడ్డ పెద్దోళ్లే. >

      కరోనాను అందులో కోవిడ్ 19 ను గెలవడం చాలా చాలా తేలిక. గత విజయాలే దీనికి ప్రేరణ. అయితే ప్రకృతి విధ్వంసక శక్తులకు కరోనా నేర్పిన పాఠం ఎనలేనిదనే చెప్పాలి.

      Delete

* మీ వ్యాఖ్యలు తెలుగులోనే వ్రాయండి
* పోస్టుతో సంబంధంలేని, సంయమనం లేని, ఎవరికీ ఉపయోగం కాని వ్యాఖ్యలు వద్దు.
* నింద వేరు - విమర్శ వేరు, ఎవర్నీ గాయపరచకుండానే విమర్శించవచ్చు.
* పుల్లవిరుపుగా తీసిపారేయటం వల్ల అసహనం ఉపశమిస్తుందేమో, ఒరిగేదేమీ లేదు.
* ఏదైనా నచ్చకపోతే ఎందుకు నచ్చలేదో కాస్త సున్నితంగా, విశదంగా చెప్పండి. .
* అనవసర వ్యాఖ్యలు తొలగించబడతాయి.

RSS అవినీతి ఆధ్యాత్మికం ఆరోగ్యం ఆర్ధికం ఇంగ్లీషు నేర్చుకుందాం ఇంటర్వ్యూలు ఎన్నికలు కత్తెరింపులు కార్యక్రమాలు కుటుంబం కృషి విద్యాలయం చరిత్ర జనవిజయం జ్ఞాపకాలు తెలుగు-వెలుగు నమ్మకాలు-నిజాలు నవ్వుతూ బ్రతకాలిరా నాకు నచ్చిన పాట నేర్చుకుందాం పరిపాలన పర్యావరణం పల్లెప్రపంచం పిల్లల పెంపకం ప్రకృతి జీవన విధానం ప్రజ ప్రజా రవాణా ప్రముఖులు భారతీయం భాష మతం మంతెన వీడియోలు మనం మారగలం మహిళ మానవ సంబంధాలు మానవ హక్కులు మీడియా మీరేమంటారు? మెదడుకు మేత మై వాయిస్ రాజకీయం రిజర్వేషన్లు వికాసం విగ్రహాలు విజ్ఞానం విద్య వినదగునెవ్వరుచెప్పిన వినోదం వీడియోలు వ్యక్తిగతం సమాజం సంస్కృతి సాహిత్యం సినిమా
 
Top